శ్రీకాళహస్తిలో మద్యం మత్తులో పోలీసు వాహనాన్ని ఢీకొట్టి, కత్తితో బెదిరించిన ముగ్గురు యువకులు అరెస్టు

శ్రీకాళహస్తి పట్టణంలో మద్యం సేవించి ద్విచక్ర వాహనంపై వెళ్తున్న ముగ్గురు యువకులు పోలీసు వాహనాన్ని ఢీకొట్టారు. ఆ వెంటనే వారిని ప్రశ్నించిన హెడ్ కానిస్టేబుల్ రమణయ్యను కత్తితో బెదిరించారు. ఈ ఘటన స్థానికంగా అలజడి రేపింది.

రైల్వే స్టేషన్ సమీపంలో డైల్‌ 100 ఫిర్యాదు మేరకు ఒకటో పట్టణ పోలీస్ స్టేషన్‌కు చెందిన రమణయ్య అక్కడికి వెళ్తుండగా ఈ సంఘటన జరిగింది. మద్యం మత్తులో వేగంగా వచ్చిన యువకులు ఆయన వాహనాన్ని ఢీకొట్టారు. ఆ తర్వాత సెల్‌ఫోన్‌లు ఇవ్వకపోతే కత్తితో పొడిచేస్తానని కొండమెట్టకు చెందిన శ్రీనివాసులు హెచ్చరించినట్లు తెలుస్తోంది. తోటి యువకుడు జితేంద్ర సైతం వాగ్వాదానికి దిగాడు.

ముగ్గురినీ పోలీసులు అదుపులోకి తీసుకున్నారు. హెడ్ కానిస్టేబుల్ రమణయ్య ఫిర్యాదు మేరకు హత్యాయత్నం, పోలీసు విధులకు ఆటంకం తదితర సెక్షన్ల కింద కేసు నమోదు చేశారు. ఘటనకు సంబంధించిన దృశ్యాలు సోషల్ మీడియాలో వైరల్‌గా మారాయి. పోలీసులు దర్యాప్తు ప్రారంభించారు.