భీమవరంలో 'వార్తలాపు' మీడియా వర్క్‌షాప్ ప్రారంభించిన కేంద్ర మంత్రి శ్రీనివాస వర్మ

పశ్చిమ గోదావరి జిల్లా భీమవరంలో కేంద్ర ప్రభుత్వం 'వార్తలాపు' పేరుతో మీడియా వర్క్‌షాప్ ఏర్పాటు చేసింది. దేశంలోనే తొలిసారిగా నిర్వహిస్తున్న ఈ ప్రదర్శనను కేంద్ర మంత్రి శ్రీనివాస వర్మ ప్రారంభించారు.

ఈ కార్యక్రమంలో రాజ్యసభ సభ్యులు పాంకా సత్యనారాయణ, కలెక్టర్ నాగరాణి కూడా పాల్గొన్నారు. ఇది రెండు రోజుల పాటు కొనసాగనుంది.

కేంద్ర మంత్రి మాట్లాడుతూ, ప్రభుత్వ సంక్షేమ పథకాల సమాచారాన్ని మీడియాకు ఎప్పటికప్పుడు అందించాలని అధికారులను ఆదేశించారు. ప్రధాని పేరుతో అమలవుతున్న భీమా పథకాలపై ప్రజలకు అవగాహన కల్పించాలని సూచించారు. ప్రభుత్వ పథకాలు అందరికీ లబ్ధి చేకూర్చేలా కృషి చేయాలని దిశానిర్దేశం చేశారు.