స్టాక్ మార్కెట్ స్వల్ప లాభాలు; బంగారం ధర పతనం

దేశీయ స్టాక్ మార్కెట్లు శుక్రవారం స్వల్ప లాభాల్లో ట్రేడవుతున్నాయి. సెన్సెక్స్ 140 పాయింట్లు పెరగ్గా, బ్యాంక్ నిఫ్టీ 240 పాయింట్లు లాభపడింది.

అయితే బంగారం, వెండి ధరలు పతనమయ్యాయి. 24 క్యారెట్ల 10 గ్రాముల బంగారం ధర ₹1,100 వరకు తగ్గింది. వెండి ధర ₹4,000 వరకు పడిపోయింది. బ్రెంట్ ముడి చమురు ధర 95 డాలర్ల వద్ద స్థిరంగా ఉంది.

ఇవాళ రిజర్వ్ బ్యాంక్ ఆఫ్ ఇండియా క్రెడిట్ పాలసీ ప్రకటించనుంది. వడ్డీ రేట్లపై నిర్ణయం మార్కెట్‌పై ప్రభావం చూపుతుందని మార్కెట్ నిపుణుడు జీవీ సత్యనారాయణ తెలిపారు. ఆయన ప్రకారం, అమెరికా-ఇరాన్ ఉద్రిక్తతల నేపథ్యంలో బంగారం ధరలు ఫిబ్రవరి నుంచి నాలుగు నెలలుగా క్షీణిస్తున్నాయి. స్వల్పకాలంలో పెరిగే అవకాశాలు తక్కువని, దీర్ఘకాలిక ఇన్వెస్టర్లు గోల్డ్ రిసెప్ట్స్ (EGR) వంటి వాటిలో పెట్టుబడి పెట్టవచ్చని ఆయన పేర్కొన్నారు. మార్కెట్ సైడ్‌వేస్‌గా కొనసాగే అవకాశం ఉంది.