ఏలూరులో ఇంజనీరింగ్ కాలేజీ విద్యార్థిపై స్నేహితుడి దాడి; తలకు గాయం

ఏలూరులోని రామచంద్ర ఇంజనీరింగ్ కాలేజీలో ఎంబీఏ విద్యార్థి శ్రీపతి తులసీరామ్ పై అతని స్నేహితుడు సుత్తితో దాడి చేశాడు. కాలేజీ సమీపంలోని రిక్వెస్ట్ బస్ స్టాప్ వద్ద ఈ ఘటన జరిగింది.

తులసీరామ్ తలపై గాయమవడంతో వెంటనే ఏలూరు ప్రభుత్వ ఆసుపత్రికి తరలించి చికిత్స అందిస్తున్నారు. దాడి చేసిన ఈతకోట శ్రీరామ మోహన్ కృష్ణ అనే విద్యార్థి సంఘటనా స్థలం నుండి పారిపోయినట్లు సమాచారం.

ఇద్దరు విద్యార్థుల మధ్య ఇటీవల గొడవలు జరిగినట్లు పోలీసులు గుర్తించారు. తులసీరామ్ తన స్నేహితురాలితో కలిసి శ్రీరామ్ ను అవమానపరచడం, డబ్బులు ఖర్చు చేయించడం వంటి వివాదాల నేపథ్యంలో ఈ దాడి జరిగిందని అనుమానిస్తున్నారు.

ఘటనా స్థలానికి చేరుకున్న ఏలూరు త్రీ టౌన్ పోలీసులు దర్యాప్తు మొదలుపెట్టారు. కాలేజీ యాజమాన్యం విద్యార్థుల భవిష్యత్తు దృష్ట్యా కేసు నమోదు చేయకుండా రాజీ చేయాలని ప్రయత్నిస్తున్నట్లు సమాచారం. పూర్తి వివరాలు తెలియాల్సి ఉంది.