పోలవరం-బనకచర్ల ప్రాజెక్టు కేసులో 13 మంది ప్రతివాదులకు సుప్రీంకోర్టు సమన్లు

పోలవరం, బనకచర్ల ప్రాజెక్టులపై తెలంగాణ ప్రభుత్వం సుప్రీంకోర్టులో దాఖలు చేసిన ఒరిజినల్ సూట్‌లో విచారణ జరిగింది. కోర్టు వెంటనే రిజిస్ట్రీ ద్వారా 13 మంది ప్రతివాదులకు సమన్లు జారీ చేసింది. 28 రోజుల్లోగా రిజిస్ట్రార్ ముందు హాజరు కావాలని వారికి సూచించింది.

ప్రతివాదుల్లో ఆంధ్రప్రదేశ్ ప్రభుత్వంలోని జలశక్తి, ఆర్థిక, అటవీ పర్యావరణ మంత్రిత్వ శాఖలు ఉన్నాయి. కర్ణాటక, ఛత్తీస్‌గఢ్, ఒడిశా, మహారాష్ట్ర, మధ్యప్రదేశ్ రాష్ట్రాలు కూడా ప్రతివాదుల జాబితాలో ఉన్నాయి. వీరితోపాటు పోలవరం ప్రాజెక్టు అథారిటీ సీఈవో, జాతీయ జలసంఘం, గోదావరి-కృష్ణా నదీ యాజమాన్య బోర్డుల చైర్మన్‌లను కూడా చేర్చారు.

సుప్రీంకోర్టు చాంబర్ జడ్జి ఈ కేసులో తాదుపరి ప్రక్రియ నిర్వహించనున్నారు. ఆ ప్రక్రియ పూర్తయిన తర్వాతే పిటిషన్ తుది విచారణకు ధర్మాసనం ముందుకు వస్తుంది.