సూర్యాపేట ఎస్పీ నరసింహ ప్రభుత్వ పాఠశాలలో విద్యార్థులకు పాఠం చెప్పారు

సూర్యాపేట జిల్లా పోలీస్ సూపరింటెండెంట్ నరసింహ ఒక ప్రభుత్వ పాఠశాలను సందర్శించారు. ఆయన విద్యార్థులకు భూమి తిరిగే విధానం, పగలు రాత్రి ఏర్పడే విధానం గురించి వివరించారు.

బ్లాక్ బోర్డుపై బొమ్మలు వేసి సూర్యుడు స్థిరంగా ఉండటం, భూమి తిరగడం వల్లే పగలు రాత్రి మారతాయని చెప్పారు. ఈ సందర్భంగా జపాన్ ను సూర్యోదయ దేశం అని ఎందుకు అంటారో కూడా వివరించారు.

నరసింహ ఒకప్పుడు లారీ క్లీనర్ గా పనిచేసి, చదువుకుని ప్రభుత్వ ఉపాధ్యాయుడిగా మారారు. ఆ తర్వాత గ్రూప్ 1 పరీక్షలో ఉత్తీర్ణులై ఎస్పీ స్థాయికి ఎదిగారు. పాఠశాల తనిఖీకి వచ్చిన ఆయన విద్యార్థులతో సమయం గడిపి సైన్స్ పాఠం చెప్పడం విశేషం.