రాజస్థాన్లో శతాబ్దాల సంప్రదాయాన్ని బద్దలు కొడుతూ 13 ఏళ్ల బాలికకు రాజ వారసురాలిగా ప్రకటన
రాజస్థాన్ లోని పాలీ జిల్లాలోని ఖేరవగఢ్ సంస్థానానికి చెందిన 13 ఏళ్ల బాలిక తేజస్వి కుమారి జోధా శతాబ్దాల నాటి రాజపుత్ర వారసత్వ సంప్రదాయాన్ని బద్దలు కొడుతూ మొదటి మహిళా వారసురాలిగా ప్రకటించబడింది. ఆమె తండ్రి మరణం అనంతరం కుటుంబంలో మగ వారసులు లేకపోవడంతో చారిత్రక ఖేరవా కోటలో జరిపిన సంప్రదాయ పగడీ వేడుకలో తేజస్విని సక్సెసర్ గా ప్రకటించారు. ఈ రాజపుత్ర సక్సెషన్ సంప్రదాయంలో ఇప్పటి వరకు పురుషులకే వారసత్వం ఇచ్చేవారు. అయితే ఒక బాలికను వారసురాలిగా గుర్తించడం ఇదే మొదటిసారి. తేజస్వి ప్రస్తుతం ఏడో తరగతి చదువుతోంది. ఆమె తన చదువు కొనసాగిస్తూనే ఈ బాధ్యతలు స్వీకరిస్తానని చెప్పింది. ఈ చారిత్రాత్మక నిర్ణయం సంప్రదాయాల్లో మార్పుకు నాందిగా భావిస్తున్నారు.
వార్త ఆధారాలు: పబ్లిక్ న్యూస్ బ్రాడ్కాస్ట్లు, అధికారిక అప్డేట్లు, ఉషా కిరణం ఎడిటోరియల్ ప్రమాణాలు.
సవరణల కోసం సంప్రదించండి: help@ushakiranam.com
