బాలకృష్ణ కుమార్తె తేజస్విని నటిగా టాలీవుడ్ ఎంట్రీ? లక్ష్మీ సౌజన్య సెల్ఫీ సంచలనం

నటుడు నందమూరి బాలకృష్ణ చిన్న కుమార్తె తేజస్విని వెండితెరపై నటిగా పరిచయం కాబోతున్నారనే ప్రచారం కొనసాగుతోంది. తాజాగా, ‘వరుడు కావెలను’ ఫేం దర్శకురాలు లక్ష్మీ సౌజన్య తేజస్వినిని కలిసి దిగిన సెల్ఫీ సోషల్ మీడియాలో షేర్ చేశారు. “తేజస్వినిని కలవడం చాలా సంతోషంగా ఉంది. మళ్ళీ కలవడానికి ఆసక్తిగా ఎదురుచూస్తున్నాను” అంటూ పోస్ట్ పెట్టారు.

ఈ పోస్ట్ ఫిల్మ్ నగర్ వర్గాల్లో చర్చనీయాంశమైంది. దీంతో తేజస్విని ఒక ఫీమేల్ ఓరియంటెడ్ స్పోర్ట్స్ డ్రామా ద్వారా తెరంగేట్రం చేయబోతున్నారని, ఆ సినిమాకు లక్ష్మీ సౌజన్యే దర్శకత్వం వహిస్తారనే ఊహాగానాలు జోరందుకున్నాయి. అయితే దీనిపై అధికారిక ప్రకటన ఇంకా రాలేదు.

ప్రాజెక్ట్ కథా చర్చలు కొనసాగుతున్న నేపథ్యంలో త్వరలో ప్రకటన వచ్చే అవకాశం ఉందని అభిమానులు ఆసక్తితో ఎదురుచూస్తున్నారు. తేజస్విని ఇప్పటికే బాలకృష్ణ చేసిన ‘అన్‌స్టాపబుల్’ టాక్ షోకు క్రియేటివ్ కన్సల్టెంట్‌గా పనిచేశారు. ఇటీవల సోషల్ మీడియాలో ఆమె డాన్స్ వీడియోలు కూడా వైరల్ అయ్యాయి.