కరువుపై తెలంగాణలో అన్ని పార్టీల సమావేశం: కేంద్రం నుంచి ₹20 వేల కోట్ల సాయం కోరే నిర్ణయం

హైదరాబాద్ సచివాలయంలో కరువు పరిస్థితిపై రాష్ట్ర ప్రభుత్వం అన్ని పార్టీల సమావేశాన్ని నిర్వహించింది. ఈ సమావేశానికి ఐదారుగురు మంత్రులు హాజరయ్యారు. BRS, BJP, CPI, CPM, MIM, TJS, TDP పార్టీల నాయకులు పాల్గొన్నారు.

సమావేశంలో కరువు, తాగునీరు, కరెంట్ కొరతపై చర్చ జరిగింది. తెలంగాణలో 356 మండలాలు కరువు పరిస్థితిని ఎదుర్కొంటున్నట్టు వివరాలు వెల్లడయ్యాయి. వాటిలో 111 మండలాల్లో పరిస్థితి మరింత తీవ్రంగా ఉన్నట్టు సమావేశంలో తెలిపినట్టు సమాచారం. అన్ని ప్రాజెక్టుల్లో కలిపి 179 టీఎంసీల నీరే నిల్వ ఉన్నట్టు తేలింది.

ప్రతి ఎకరానికి ప్రతి రైతుకు వెంటనే ₹15,000 పరిహారం ఇవ్వాలని సమావేశంలో పాల్గొన్న పార్టీల నాయకులు డిమాండ్ చేశారు. యాసంగిలో వ్యవసాయం పూర్తిగా ఆగిపోతే కూలీల ఉపాధికి ప్రత్యేక ప్రణాళిక ఉందా అని కూడా ప్రశ్నించారు.

ఈ నివేదికను తీసుకుని ఢిల్లీలో కేంద్ర నాయకులను కలవాలని సమావేశంలో నిర్ణయించారు. కేంద్రం నుంచి ₹20 వేల కోట్ల సాయం అడగనున్నట్టు తెలిసింది. పార్టీలందరి సూచనలు తీసుకుని మంచి నిర్ణయం తీసుకుంటామని ప్రభుత్వం వైపు నుంచి తెలిపినట్టు సమాచారం.