ఢిల్లీలో మద్యం ఆర్డర్ యాప్ ప్రారంభం: 9 లీటర్ల విస్కీ బుకింగ్ అనుమతి

ఢిల్లీలో మద్యం ఆర్డర్ చేసుకునేందుకు ప్రత్యేక మొబైల్ యాప్‌ను ఢిల్లీ ప్రభుత్వం ప్రారంభించింది. యాప్‌లో బ్రాండ్, బాటిళ్ల సంఖ్యను ఎంచుకోవచ్చు. ఎంపిక చేసిన వెంటనే యాప్ మొత్తం ధరను చూపిస్తుంది.

చెల్లింపు పూర్తయిన తర్వాత కస్టమర్‌కు ఒక కోడ్ వస్తుంది. బుకింగ్ చేసుకున్న 48 గంటల్లోపు సంబంధిత మద్యం దుకాణానికి వెళ్లి ఆ కోడ్‌ను స్కాన్ చేయించుకోవాలి. అనంతరం సరుకును తీసుకుని ఇంటికి వెళ్లవచ్చు.

ఢిల్లీలో మొత్తం 208 మద్యం దుకాణాలు ఉన్నాయి. ప్రతి దుకాణంలో 9 లీటర్ల విస్కీ, 18 లీటర్ల బీర్ వరకు బుక్ చేసుకునే అవకాశం కల్పించారు. 25 ఏళ్లు నిండిన వారికి మాత్రమే ఈ ఆన్‌లైన్ సౌకర్యం అందుబాటులో ఉంది.

సెలవు రోజుల్లో దుకాణాల ముందు పెద్ద క్యూలు ఏర్పడేవి. వాహనాల పార్కింగ్‌కు కూడా స్థలం ఉండేది కాదు. కొన్ని దుకాణాలు MRP కంటే ఎక్కువ ధరకు విక్రయిస్తుంటాయి. ఇప్పుడు చెల్లించే ముందే యాప్‌లో పూర్తి ధర కనిపిస్తుంది.

తాగాలనుకోకపోతే బుకింగ్‌ను క్యాన్సల్ చేసుకోవచ్చు. యాప్‌లో కొత్త కొత్త బ్రాండ్లను కూడా చూపిస్తారు.