తెలంగాణలో అధికారమే లక్ష్యం: BJP ఇంచార్జ్ అభయ్ పాటిల్

BJP రాష్ట్ర ఇంచార్జ్ అభయ్ పాటిల్ తెలంగాణలో అధికారంలోకి రావడం తమ ప్రధాన లక్ష్యమని తెలిపారు. ఇటీవల ఓ మీడియా సంస్థకు ఇచ్చిన ఇంటర్వ్యూలో ఆయన ఈ విషయాన్ని స్పష్టం చేశారు.

మాజీ ఎంపీ లక్ష్మణ్ ఇంట్లో జరిగిన సమావేశం రొటీన్ సమావేశమేనని, అందులో కొత్తగా ఏమీ లేదని ఆయన వివరించారు. పార్టీలో ఐక్యత ఉందని, ఎలాంటి అంతర్గత విభేదాలు లేవని చెప్పారు.

BJP జాతీయ అధ్యక్షుడు ఇటీవల తెలంగాణలో మూడు రోజుల పర్యటన చేశారని, దీంతో కార్యకర్తల్లో కొత్త ఉత్సాహం నిండిందని అభయ్ పాటిల్ పేర్కొన్నారు.

GHMC ఎన్నికలు సెమీఫైనల్ లాంటివని, తాము వంద శాతం గెలుస్తామని ఆయన ధీమా వ్యక్తం చేశారు. ఎన్నికలకు బలంగా సిద్ధమవుతున్నట్టు తెలిపారు.