జూలై 2న తెలంగాణ తొలి పేపర్‌లెస్ కేబినెట్

తెలంగాణలో తొలిసారిగా కాగిత రహిత (పేపర్‌లెస్) కేబినెట్ సమావేశం జూలై 2వ తేదీన జరగనుంది. ముఖ్యమంత్రి రేవంత్ రెడ్డి అధ్యక్షతన ఈ సమావేశంలో VBJ రామజీ పథకం, రైతుల కోసం ప్రత్యేక గ్రామీణ ఉపాధి హామీ చట్టం, వాణిజ్య పంటల సాగు, అంతర్రాష్ట్ర ఉద్యోగుల బదిలీలు, హైదరాబాద్‌లో LIG హౌసింగ్ వంటి అంశాలు చర్చించనున్నారు.

VBJ రామజీ పథకాన్ని రాష్ట్రంలో అమలు చేయకూడదని తెలంగాణ ప్రభుత్వం గతంలో నిర్ణయించింది. ఈ నేపథ్యంలో, సుప్రీంకోర్టును ఆశ్రయించాలా లేదా ఇతర రాష్ట్రాలతో కలిసి ఏ కార్యాచరణ చేపట్టాలనే అంశంపై క్యాబినెట్ సమావేశంలో నిర్ణయం తీసుకోనున్నారు.

రైతులు నష్టపోకుండా ప్రత్యేకంగా ఒక గ్రామీణ ఉపాధి హామీ చట్టాన్ని రూపొందించే ఆలోచనపై కూడా చర్చించనున్నారు. వాణకాలం సాగు, విత్తనాలు, ఎరువులు, పంటల వైవిధ్యం, ఎల్‌నినో ప్రభావం వంటి వ్యవసాయ అంశాలపైనా సమీక్ష జరగనుంది.

ఆంధ్రప్రదేశ్-తెలంగాణ స్థానికత కలిగిన ఉద్యోగుల అంతర్రాష్ట్ర బదిలీలపైనా నిర్ణయం తీసుకునే అవకాశం ఉంది. ప్రస్తుతం తెలంగాణ నుంచి ఏపీకి 1,329 మంది, ఏపీ నుంచి తెలంగాణకు 891 మంది ఉద్యోగులు బదిలీ కోరుతూ దరఖాస్తు చేసుకున్నట్లు సమాచారం.

హైదరాబాద్ కోర్ అర్బన్ ప్రాంతంలో LIG (తక్కువ ఆదాయ వర్గాల) హౌసింగ్ కోసం స్థలాలు, డిజైన్లు, విధి విధానాలకు క్యాబినెట్ ఆమోదం లభించే అవకాశం ఉంది.

తెలంగాణ రాష్ట్ర చరిత్రలో ఇదే తొలి పేపర్‌లెస్ క్యాబినెట్ కావడం గమనార్హం.