22A భూముల రిజిస్ట్రేషన్‌కు తెలంగాణ ప్రభుత్వం అనుమతి ఇచ్చింది

తెలంగాణ ప్రభుత్వం 22A భూముల రిజిస్ట్రేషన్‌కు సంబంధించి కొత్త నిర్ణయం ప్రకటించింది. హైదరాబాద్‌లో GHMC, DTCP, HMDA అనుమతులు ఉంటే 22A జాబితాలోని భూములకు రిజిస్ట్రేషన్లు చేసుకోవచ్చని ఉత్తర్వులు జారీ చేసింది. ఈ ఉత్తర్వులు తక్షణం అమల్లోకి వస్తాయని ప్రభుత్వం తెలిపింది.

ఇటీవల వరకు 22A జాబితాలో ఉన్న ఏ భూమిని రిజిస్ట్రేషన్ చేయవద్దని ప్రభుత్వం గతంలో ఆదేశాలు ఇచ్చింది. అయితే కొన్ని ప్రజల భూములు కూడా ఈ జాబితాలో చేరినట్లు ప్రభుత్వం గుర్తించింది. రెవెన్యూ శాఖ అధికారుల తప్పుల వల్ల పలు భూములు 22A జాబితాలో చేరాయని ప్రభుత్వం అంగీకరించింది. దీనిపై ప్రభుత్వం క్షమాపణలు చెప్పింది.

అసెంబ్లీలో ముఖ్యమంత్రి రేవంత్ రెడ్డి, రెవెన్యూ శాఖ మంత్రి పొంగులేటి శ్రీనివాస్ రెడ్డి ఈ అంశంపై చర్చించారు. ప్రభుత్వం కొత్త విధివిధానాలను త్వరలో పూర్తి స్థాయిలో ప్రకటిస్తామని తెలిపింది. ఈ నిర్ణయం వల్ల లక్షలాది మందికి ఊరట కలుగుతుందని ప్రభుత్వం తెలిపింది.