తెలంగాణలో SIR ప్రక్రియ: 99.5% ఫారమ్‌ల పంపిణీ పూర్తి అని CEO సుదర్శన్ రెడ్డి వెల్లడి

తెలంగాణలో ప్రత్యేక ఇంటెన్సివ్ రివిజన్ (SIR) ప్రక్రియ జూన్ 25 నుంచి జూలై 24 వరకు కొనసాగుతోంది. ఇప్పటివరకు 99.5% ఎనిమిరేషన్ ఫారమ్‌ల పంపిణీ పూర్తయినట్లు రాష్ట్ర ప్రధాన ఎన్నికల అధికారి (CEO) సుదర్శన్ రెడ్డి తెలిపారు.

మొత్తం 3.38 కోట్ల మంది ఓటర్లలో 3.37 కోట్ల మందికి ఫారమ్‌లు అందాయి. ఫారం నింపి తిరిగి ఇచ్చిన వాటి సంఖ్య 80 లక్షల దాకా (26.5%) చేరింది. మిగిలిన 15 రోజుల్లో ఫార్మ్ ఫిల్లింగ్ మొత్తం పూర్తి చేయాలని ఎన్నికల కమిషన్ ఆదేశాలు ఉన్నాయని సుదర్శన్ రెడ్డి చెప్పారు.

ఫారం అందని వ్యక్తులు తమ బీఎల్ఓ నెంబర్‌ను పొరుగువారి దగ్గర నుంచి తీసుకొని కాల్ చేయాలని, లేదా బీఎల్ఓ సూపర్‌వైజర్‌ను సంప్రదించాలని సూచించారు. 1950 హెల్ప్‌లైన్ ద్వారా కూడా సమాచారం పొందవచ్చు. హైదరాబాద్‌లో కొన్ని చోట్ల బీఎల్ఓలు ఫీల్డ్‌లో తిరగడం లేదన్న ఫిర్యాదులపై స్పందిస్తూ, బీఎల్ఓలు తప్పనిసరిగా క్షేత్రస్థాయిలో పని చేయాలని ఆదేశాలు ఇచ్చామని, వాలంటీర్ల సహాయం కూడా తీసుకోమని చెప్పారు.

డూప్లికేట్ ఓటర్ల విషయంలో ఫైనల్ ఫేజ్ తర్వాత డెమోగ్రాఫికల్లీ సిమిలర్ ఎంట్రీస్ (DSC) సాఫ్ట్‌వేర్ రన్ చేస్తారు. ఒకే వ్యక్తి పేరిట రెండు చోట్ల ఓటు ఉంటే గుర్తించి చర్యలు తీసుకుంటామన్నారు. డ్రాఫ్ట్ ఓటర్ జాబితా ఆగస్టు 1న, తుది జాబితా అక్టోబర్ 1న విడుదలవుతుంది. జెన్యూన్‌గా ఉన్న వ్యక్తుల పేర్లు ఏమైనా తొలగిపోతే ఫారం-6 ద్వారా మళ్లీ దరఖాస్తు చేసుకోవచ్చు.

ఎస్ఐఆర్ గడువు పెంచాలని కొన్ని రాజకీయ పార్టీలు కోరుతున్నాయి. అయితే తాము జూలై 24లోపే ప్రక్రియ పూర్తి చేయడానికి ప్రయత్నిస్తున్నామని, ఒకవేళ కుదరకపోతే ఎన్నికల కమిషన్‌ను కోరతామని సుదర్శన్ రెడ్డి తెలిపారు.