నుస్తులాపూర్‌లో మహిళపై దాడి, బంగారం గుంజి బావిలోకి తోసేసి పరార్

కరీంనగర్ జిల్లా నుస్తులాపూర్‌లో ఓ మహిళ నుంచి బంగారం, ఫోన్ దోచుకుని ఆమెను బావిలో పడేసిన సంఘటన చోటు చేసుకుంది.

బాధితురాలు కూలి పని చేసుకునే మహిళ. ఆమెకు ఓ వ్యక్తి పని ఇప్పిస్తానని నమ్మించి, బండిపై తీసుకెళ్లి సమీపంలోని బావి వద్దకు తీసుకువచ్చాడు.

అక్కడ ఎవరూ లేకపోవడంతో, ఆమె వద్ద ఉన్న బంగారు గొలుసు, ఫోన్ లాక్కుని ఆమెను బావిలోకి తోసేసి పరారయ్యాడు.

రాత్రంతా బావిలో చిక్కుకున్న బాధితురాలు ఉదయం ఓ స్థానికుడు పోలీసులకు సమాచారం అందించాడు. పోలీసులు తాళ్ల సాయంతో ఆమెను బయటకు తీసి ఆసుపత్రికి తరలించారు.

నిందితుడి కోసం గాలింపు కొనసాగుతోంది. ఈ విషయంపై కేసు నమోదు చేసినట్టు అధికారులు తెలిపారు.