సింహాచల ఆలయంలో మూడో విడత చందన సమర్పణ, జేష్ట పౌర్ణమి ఉత్సవాలు

సింహాచలం శ్రీ వరాహ లక్ష్మీ నరసింహ స్వామి వారికి మూడో విడత చందన సమర్పణ జేష్ట పౌర్ణమి సందర్భంగా జరిగింది. మూడు మణగుల చందనాన్ని స్వామివారికి సమర్పించారు. అనంతరం జేష్టాభిషేకం నిర్వహించి భక్తులను దర్శనానికి అనుమతించారు.

పెద్ద సంఖ్యలో వచ్చిన భక్తులు సింహాద్రి అప్పన్న దర్శనం చేసుకుని మొక్కులు చెల్లించుకున్నారు. ఈ సందర్భంగా భక్తులు విష్ణు సహస్రనామం, భగవద్గీత 18వ అధ్యాయం పారాయణం చేశారు.