వరంగల్ జిల్లాలో ముగ్గురు పక్షవాతం బారిన పడిన కుటుంబం

వరంగల్ జిల్లా నర్సంపేట మండలంలోని కుమ్మరికొండ గ్రామంలో ఒక కుటుంబం తీవ్ర ఇబ్బందులు ఎదుర్కొంటోంది. మల్లయ్య, మల్లికాంబ దంపతులకు ముగ్గురు కుటుంబ సభ్యులు పక్షవాతం బారిన పడడంతో ఆర్థికంగా, శారీరకంగా కష్టాల్లో ఉన్నారు.

మల్లయ్యకు చిన్నతనంలోనే పక్షవాతం రావడంతో కాళ్లు చేతులు సరిగా పనిచేయవు. అతని భార్య మల్లికాంబ కూలి పనులు చేస్తూ కుటుంబాన్ని పోషించేది. అయితే మల్లికాంబ కూడా పక్షవాతం బారిన పడింది. వైద్యం తర్వాత కొంత కోలుకున్నా, చేతులు నడుము వంగిపోయి సరిగా నడవలేని స్థితిలో ఉంది.

వారి కుమారుడు వినోద్ ఎంఎస్సీ కెమిస్ట్రీ పూర్తి చేశాడు. కానీ ఉద్యోగం దొరక్కపోవడంతో బ్యాండ్లో పనిచేస్తూ జీవనం సాగించేవాడు. అతనికి ముగ్గురు పిల్లలు. ఇటీవల వినోద్ కూడా పక్షవాతం బారిన పడ్డాడు. బంధువులు సాయంతో హైదరాబాద్ నిమ్స్లో చికిత్స చేయించారు కానీ ఫలితం లేకపోవడంతో పూర్తిగా మంచానికే పరిమితమయ్యాడు.

చికిత్స ఖర్చు లక్షల్లో ఉండడంతో వినోద్ భార్య అతన్ని విడిచిపెట్టి ముగ్గురు పిల్లలతో వెళ్లిపోయింది. ఇప్పుడు వృద్ధులైన మల్లయ్య, మల్లికాంబలే కుమారుడికి సేవలు చేస్తున్నారు. కుటుంబం ఆర్థికంగా మరింత ఇబ్బందికరంగా మారింది.