తిరుమల శ్రీవారి కళ్యాణోత్సవం: వైఖానస ఆగమ సంప్రదాయంలో వేద మంత్రాలతో ప్రత్యేక పూజలు

తిరుమల శ్రీనివాసుని కళ్యాణోత్సవం వేద మంత్రాలతో, వైఖానస ఆగమ సంప్రదాయంలో జరిగింది. శ్రీ భూనీలా సమేత శ్రీనివాస స్వామి కళ్యాణాన్ని అర్చకులు విధివిధానంగా నిర్వహించారు.

కళ్యాణానికి ముందుగా విశ్వక్సేన ఆరాధన చేశారు. అనంతరం పుణ్యాహవాచనం, రక్షాబంధన ధారణ, అగ్ని ప్రతిష్ఠాపన తదితర కార్యక్రమాలు జరిగాయి. ప్రతి ముఖ్య ఘట్టంలోను అన్నమాచార్యుల సంకీర్తనలు ఆలపించారు.

వేద పండితులు మంత్రోచ్చారణలు చేస్తుండగా, అర్చకులు సంప్రదాయబద్ధంగా పూజలు నిర్వహించారు. అన్నమాచార్యుల కీర్తనలతో కళ్యాణాన్ని ప్రారంభించడం ఇక్కడి ఆచారం.

ఈ కళ్యాణాన్ని దర్శించడం వల్ల పాపాలు తొలగి శుభాలు కలుగుతాయని భక్తుల విశ్వాసం. భూ లోకానికి వచ్చి పద్మావతిని పెళ్లాడిన శ్రీనివాసుని కథను ఈ సందర్భంగా ప్రస్తావించారు.