తిరుపతి ఈస్ట్ పోలీస్ స్టేషన్ వద్ద గంజాయి నిందితుల కుటుంబాల ఆందోళన, రోడ్డు నిరోధం

తిరుపతి ఈస్ట్ పోలీస్ స్టేషన్ వద్ద గంజాయి కేసులో అరెస్టయిన వారి కుటుంబ సభ్యులు నిరసన చేపట్టారు. సోమవారం రాత్రి పెద్దకాపు లేఔవుట్‌లో గంజాయి విక్రయిస్తున్న ముగ్గురు వ్యక్తులను పోలీసులు అదుపులోకి తీసుకున్నారు. అయితే పోలీసులు అక్రమంగా కేసు పెట్టారని ఆరోపిస్తూ కుటుంబ సభ్యులు మంగళవారం పోలీస్ స్టేషన్‌కు చేరుకుని రోడ్డుపై కూర్చున్నారు.

చిన్న పిల్లలతో వచ్చిన కుటుంబ సభ్యులు వాహనాలను నిలిపివేయడంతో ట్రాఫిక్‌కు అంతరాయం కలిగింది. పోలీసులు వారిని తరలించేందుకు ప్రయత్నించగా ఉద్రిక్తత నెలకొంది.

పోలీస్ అధికారి స్పందిస్తూ, రోడ్డుపై అడ్డంగా కూర్చొని ట్రాఫిక్‌కు ఇబ్బంది కలిగించిన కుటుంబ సభ్యులను సెక్షన్ 151 సీఆర్‌పీసీ కింద ప్రివెంటివ్ అరెస్ట్ చేశామని తెలిపారు. గంజాయి కేసులో నిందితులపై ఇంకా ఎఫ్‌ఐ‌ఆర్ నమోదు కాలేదని, దర్యాప్తు కొనసాగుతోందని చెప్పారు. నిందితుల్లో ఒకరు 14 ఏళ్ల బాలుడని, అతని వయసును 18గా చూపించారన్న ఆరోపణలను వెరిఫై చేస్తున్నామని అధికారులు తెలిపారు.