తిరువన్నామలైలో గిరి ప్రదక్షణ చేస్తున్న ఇద్దరు మహిళలపై సామూహిక అత్యాచారం; 8 మంది అరెస్టు

తమిళనాడులోని తిరువన్నామలై అరుణాచలేశ్వర ఆలయంలో గిరి ప్రదక్షణ చేస్తున్న ఇద్దరు మహిళలపై సామూహిక అత్యాచారం జరిగింది. ఈ ఘటన గత నెల 30వ తేదీ రాత్రి చోటుచేసుకుంది.

పోలీసుల కథనం ప్రకారం, 23 ఏళ్ల యువతితో పాటు వచ్చిన మరో వ్యక్తిని బంధించి, ఆమెపై ఎనిమిది మంది వ్యక్తులు దాడి చేశారు. నిందితులు వారి ఫొటోలు తీసి, సోషల్ మీడియాలో పెడతామని బెదిరించారు. ఈ కేసులో వాసుదేవ్, ఆకాష్, అశ్వనాథ్, అబ్బు, హరిహర్ శర్మ, హరిహరన్, అరుణ్ కుమార్, శివ గణేష్ అనే ఎనిమిది మందితో పాటు ఓ మైనర్ను పోలీసులు అరెస్టు చేశారు.

విహెచ్పీ అధికార ప్రతినిధి వెంకటేశ్వర రాజు మాట్లాడుతూ, ఈ తరహా దాడులు తిరువన్నామలై వెస్ట్ పోలీస్ స్టేషన్ పరిధిలోనే తరచూ జరుగుతున్నాయని ఆరోపించారు. ఆలయ పరిసర ప్రాంతాల్లో భద్రత లోపించిందని, నిందితుల నేపథ్యంపై సమగ్ర విచారణ జరగాలని ఆయన డిమాండ్ చేశారు.

గతంలోనూ ఇదే ప్రాంతంలో ఆంధ్రప్రదేశ్‌కు చెందిన ఓ మహిళపై పోలీసులే అత్యాచారానికి పాల్పడినట్లు ఆరోపణలు వచ్చాయి. ఈ నేపథ్యంలో భక్తుల భద్రతకు ప్రభుత్వం శాశ్వత చర్యలు తీసుకోవాలని డిమాండ్లు వ్యక్తమవుతున్నాయి.