ముంబై చెంబూరులో స్కూల్ బస్సుపై చెట్టు కూలి 10 మంది విద్యార్థులకు గాయాలు

ముంబైలోని చెంబూర్ ప్రాంతంలో ఒక చెట్టు స్కూల్ బస్సుపై కూలడంతో 10 మంది విద్యార్థులు తీవ్ర గాయాలపాలయ్యారు.

ఘటనాస్థలానికి చేరుకున్న పోలీసులు 12 మందిని రక్షించి గాయపడిన వారిని సమీపంలోని ఆసుపత్రికి తరలించారు. గత నాలుగైదు రోజులుగా ముంబైలో కురుస్తున్న భారీ వర్షాల వల్ల ఇప్పటికే లోతట్టు ప్రాంతాలు నీట మునిగాయి. అనేక చోట్ల చెట్లు విరిగిపడుతున్న నేపథ్యంలో ఈ ప్రమాదం సంభవించింది.

సంఘటనా స్థలంలో సహాయక చర్యలు కొనసాగుతున్నాయి. గాయపడిన విద్యార్థుల ఆరోగ్య పరిస్థితిపై అధికారులు ఇంకా ప్రకటన చేయలేదు.