త్రివిక్రం సినిమాలో హర్షవర్ధన్ స్థానంలో తమన్

దర్శకుడు త్రివిక్రం తాను తీస్తున్న 'ఆదర్శ కుటుంబం' చిత్రానికి మ్యూజిక్ డైరెక్టర్‌ను మార్చారు. మొదట్లో 'Animal' చిత్రానికి సంగీతం అందించిన హర్షవర్ధన్ రామేశ్వర్‌ను ఎంపిక చేశారు. సినిమా షూటింగ్ సగానికి పైగా పూర్తయిన తర్వాత హర్షవర్ధన్‌ను తప్పించి, SS తమన్‌ను ప్రాజెక్ట్‌లోకి తీసుకొచ్చారు.

హర్షవర్ధన్ రామేశ్వర్ ప్రస్తుతం రెండు పెద్ద చిత్రాలకు పనిచేస్తున్నారు. సందీప్ రెడ్డి వంగా దర్శకత్వంలో తయారవుతున్న 'Spirit', పూరి జగన్నాధ్ దర్శకత్వంలో విజయ్ సేతుపతి నటిస్తున్న 'Slum Dog' చిత్రాలకు సంగీత దర్శకత్వం వహిస్తున్నారు.

ఇదే సమయంలో విజయ్ దేవరకొండ నటిస్తున్న 'రౌడీ జనార్ధన్' చిత్రానికి కూడా మ్యూజిక్ డైరెక్టర్ మారినట్టు తెలుస్తోంది. ఆ చిత్రం teaser కోసం Christoke Xavier సంగీతం అందించారు. ఇప్పుడు ఆ ప్రాజెక్ట్‌లోకి Bollywood మ్యూజిక్ డైరెక్టర్ విశాల్ మిశ్రా వచ్చినట్టు సమాచారం.