మనుషుల్లో ఆశ, కోరిక, కలహ ప్రియత్వం 5,000 ఏళ్ల క్రితమే కృష్ణుడు చెప్పాడు: త్రివిక్రమ్

ఉద్ధవ గీతలో కృష్ణుడు దాదాపు 5,000 ఏళ్ల క్రితమే మనుషుల స్వభావాన్ని వివరించాడని సినీ దర్శకుడు త్రివిక్రమ్ అన్నారు. మనుషుల్లో ఆశ, కోరిక, కలహ ప్రియత్వం ఈ మూడు ఎక్కువగా ఉంటాయని కృష్ణుడు చెప్పాడని ఆయన తెలిపారు.

ఈ మూడు విషయాలే ముఖ్యమని, అందుకే తాను వాటి గురించి మాత్రమే మాట్లాడుతున్నానని త్రివిక్రమ్ చెప్పారు. ఏదైనా కావాలని పట్టుబట్టడం, ఎలాగైనా సరే అది దొరకాలని కోరుకోవడం, దాని కోసం గొడవ పెట్టుకోవడానికి ఇష్టపడటం ఈ రోజు సాధారణంగా కనిపిస్తోందని ఆయన అన్నారు. ఇద్దరు గొడవ పడుతుంటే దాన్ని చూడటానికి ఇష్టపడటం కూడా ఇందులో భాగమని ఆయన పేర్కొన్నారు.

సోషల్ మీడియాలో ఈ లక్షణాలు రోజూ కనిపిస్తున్నాయని త్రివిక్రమ్ అన్నారు. ఒక ఫోటో పెట్టిన వెంటనే రెండు మెచ్చుకునే కామెంట్లు వస్తే, కింద తిడతూ 20 కామెంట్లు వస్తాయని ఆయన వివరించారు.

ప్రపంచం ఇలాగే ఉంటుందని దాదాపు 5,000 సంవత్సరాల క్రితమే కృష్ణుడు చెప్పేశాడని త్రివిక్రమ్ ముగించారు.