నల్గొండ ప్రిన్సిపాల్ రూపా రెడ్డి హత్య కేసులో త్వరిత న్యాయం డిమాండ్

నల్గొండ జిల్లా దేవరకొండ ప్రాంతంలో ప్రిన్సిపాల్ రూపా రెడ్డి హత్య జరిగింది. ఈ కేసులో త్వరిత న్యాయం చేయాలని తెలంగాణ రికగ్నైజ్డ్ స్కూల్ మేనేజ్మెంట్స్ అసోసియేషన్ (TRSMA) ప్రతినిధులు డిమాండ్ చేశారు.

కొండమల్లెపల్లిలోని ఒక స్కూల్లో రూపా రెడ్డి ప్రిన్సిపాల్గా పనిచేస్తున్నారు. ఈ హత్యలో 10వ తరగతి విద్యార్థులు నిందితులుగా ఉన్నారని TRSMA ప్రతినిధులు ఆరోపించారు. 27 కత్తిపోట్లతో ఆమెను చంపి డబ్బులు తీసుకెళ్లినట్టు వారు తెలిపారు.

ఉపాధ్యాయులకు, పాఠశాలలకు రక్షణ కల్పించే ప్రత్యేక చట్టం తేవాలని కోరారు. తెలంగాణ అడ్వకేట్స్ ప్రొటెక్షన్ యాక్ట్ 2026 తరహాలో టీచర్స్ అండ్ స్కూల్స్ ప్రొటెక్షన్ యాక్ట్ తీసుకురావాలని డిమాండ్ చేశారు. కేసును ఫాస్ట్ ట్రాక్ కోర్టు ద్వారా విచారించి నిందితులకు శిక్ష పడేలా చర్యలు తీసుకోవాలని వారు అన్నారు.

పిల్లలు తప్పు చేస్తే మందలించే హక్కు ఉపాధ్యాయులకు ఉండాలని ప్రతినిధులు అభిప్రాయపడ్డారు. కౌన్సిలింగ్ తర్వాత కూడా విద్యార్థి మారకపోతే టీసీ ఇచ్చే అధికారం పాఠశాలలకు ఉండాలని కోరారు. ప్రస్తుతం ఉపాధ్యాయులు అభద్రతా భావంతో ఉన్నారని వారు చెప్పారు.