కంటి వెలుగు శస్త్రచికిత్స బాధితులకు రూ.48 లక్షల పరిహారం: మానవ హక్కుల కమిషన్ సిఫారసు

హనుమకొండలోని జయ ఆసుపత్రిలో కంటి వెలుగు కార్యక్రమంలో భాగంగా కంటి శస్త్రచికిత్స చేయించుకున్న 18 మంది చూపు కోల్పోయారు. ఈ బాధితులకు పరిహారం చెల్లించాలని తెలంగాణ రాష్ట్ర మానవ హక్కుల కమిషన్ రాష్ట్ర ప్రభుత్వానికి సిఫారసు చేసింది.

మానవ హక్కుల కమిషన్ చైర్మన్ జస్టిస్ షమీం అక్తర్ ఆదేశాలతో ఉత్తర్వులు జారీ అయ్యాయి. 2018లో వార్తాపత్రికల్లో వచ్చిన కథనాల ఆధారంగా కమిషన్ సుమోటోగా కేసు స్వీకరించింది. విచారణ అనంతరం 12 మంది బతికి ఉన్న బాధితులకు రూ.4 లక్షల చొప్పున, మృతి చెందిన 6 మంది వారసులకు రూ.5 లక్షల చొప్పున పరిహారం ఇవ్వాలని సిఫారసు చేసింది. మొత్తం రూ.48 లక్షలు.

ఘటనకు బాధ్యులైన వైద్యులు, సిబ్బంది, అధికారులను గుర్తించి చర్యలు తీసుకోవాలని ఆరోగ్య శాఖకు కమిషన్ సూచించింది. జయ ఆసుపత్రిలో ఆపరేషన్ థియేటర్ నిర్వహణ, పరిశుభ్రత, స్టెరిలైజేషన్‌లో తీవ్ర లోపాలు ఉన్నట్లు విచారణలో తేలింది. బాధితులకు ఎంట్రోబాక్టర్ క్లోయాకో ఇన్ఫెక్షన్ సోకడంతో చూపు కోల్పోయారు.

ఈ ఘటన రాజ్యాంగంలోని ఆర్టికల్ 21 ప్రకారం జీవించే హక్కు, ఆరోగ్య హక్కును ఉల్లంఘించినట్లు కమిషన్ నిర్ధారించింది.