తిరుమల తిరుపతి దేవస్థానంలో శ్రీవారి వైద్యసేవ కార్యక్రమం ప్రారంభం

తిరుమల తిరుపతి దేవస్థానం (తితిదే) తన ఆస్పత్రులలో స్వచ్ఛంద సేవలు అందించేందుకు బయటి వైద్యులకు అవకాశం కల్పిస్తూ 'శ్రీవారి వైద్యసేవ' కార్యక్రమాన్ని ప్రారంభించింది. ప్రస్తుతం ఇది పైలట్ దశలో ఉంది.

తొలి విడతగా గుంటూరుకు చెందిన సీనియర్ శిశువైద్య నిపుణుడు డాక్టర్ ధనుంజయరావు, చెన్నైకి చెందిన మరో శిశువైద్యుడు డాక్టర్ దామోదరం ఈ కార్యక్రమంలో పాల్గొని సేవలందించారు. వీరి తర్వాత అనేక మంది వైద్యులు ఇప్పటికే రిజిస్టర్ చేసుకున్నారు.

సూపర్ స్పెషలిస్ట్ వైద్యులు మూడు రోజులు, జనరల్ స్పెషలిస్ట్ వైద్యులు ఏడు రోజుల వరకు సేవలందించవచ్చు. దీర్ఘకాలం సేవ చేయాలనుకునే వారికీ అవకాశం ఉంది. ఆసక్తి ఉన్న వైద్యులు తితిదే అధికారిక వెబ్‌సైట్ ద్వారా రిజిస్టర్ చేసుకోవచ్చు.