తుంబాడ్ 2 నుంచి జై హనుమాన్ వరకు: సీక్వెల్స్ బడ్జెట్లు వందల కోట్లకు జంప్

బాహుబలి సెట్ చేసిన ట్రెండ్ ఇప్పుడు కొత్త రేంజ్ కు చేరుకుంటోంది. తొలిభాగం విజయం సాధించిన సినిమాలకు సీక్వెల్స్ మీద అంచనాలు పెరగడంతో మేకర్స్ బడ్జెట్లను భారీగా పెంచుతున్నారు. కేవలం 10 కోట్ల బడ్జెట్ తో తెరకెక్కిన బాలీవుడ్ కల్ట్ క్లాసిక్ తుంబాడ్ రీ రిలీజ్ లో సెన్సేషన్ క్రియేట్ చేసింది. దీంతో తుంబాడ్ 2 కోసం మేకర్స్ ఏకంగా 150 కోట్లు ఖర్చు చేసేందుకు సిద్ధమయ్యారు. భారీ VFX తో ఈ సీక్వెల్ ని ప్లాన్ చేస్తున్నారు.

సౌత్ లో కాంతార కేవలం 16 కోట్ల బడ్జెట్ తో 400 కోట్లకు పైగా వసూళ్లు రాబట్టింది. దీని ప్రీక్వెల్ కాంతార చాప్టర్ వన్ కు 150 కోట్ల బడ్జెట్ కేటాయించారు. అడవి శేష్ హీరోగా వచ్చిన గూఢచారి 6 కోట్ల బడ్జెట్ తో బ్లాక్బస్టర్ అయింది. ఇప్పుడు G2 ను 100 కోట్ల బడ్జెట్ తో ఇంటర్నేషనల్ స్టాండర్డ్స్ లో పాన్ ఇండియా లెవెల్ లో ప్లాన్ చేస్తున్నారు. అంతర్జాతీయ లొకేషన్లు భారీ యాక్షన్ సీక్వెన్సెస్ తో శేష్ కెరీర్ లోనే బిగ్గెస్ట్ ప్రాజెక్ట్ గా G2 రూపొందుతోంది.

ప్రశాంత్ వర్మ సినిమాటిక్ యూనివర్స్ నుంచి వచ్చిన జై హనుమాన్ 40 కోట్ల బడ్జెట్ తో 300 కోట్లకు పైగా వసూళ్లు సాధించింది. దీని కొనసాగింపుగా వచ్చే సినిమాను దాదాపు 200 కోట్ల బడ్జెట్ తో రూపొందిస్తున్నారు. రాముడికి హనుమంతుడు ఇచ్చిన మాట నేపథ్యంలో సాగే ఈ మైథలాజికల్ యాక్షన్ మూవీ కి ప్రశాంత్ వర్మ భారీ కాన్వాస్ సిద్ధం చేస్తున్నారు.

లేడీ ఓరియెంటెడ్ సినిమాల విషయంలో శ్రద్ధా కపూర్ నటించిన 32 చిత్రం 870 కోట్ల మార్క్ క్రాస్ చేసి ఇండియన్ స్క్రీన్ మీద బిగ్గెస్ట్ రికార్డ్ సెట్ చేసింది. లోకా చాప్టర్ వన్ చంద్ర 300 కోట్ల క్లబ్ లోకి అడుగుపెట్టింది. సమంతా నటించిన మా ఇంటి బంగారం తెలుగులో 100 కోట్ల క్లబ్ లో సత్తా చాటిన తొలి హీరోయిన్ గా రికార్డ్ సెట్ చేసింది.

2026 టాలీవుడ్ కి స్పెషల్ ఇయర్ గా నిలిచింది. చిరంజీవి మన శంకర్ వరప్రసాద్ తో బ్లాక్బస్టర్ సాధించారు. రామచరణ్ పెద్ది తో బిగ్గెస్ట్ హిట్ అందుకున్నారు. అఖిల్ లెనిన్ తో కెరీర్ లో ఫస్ట్ టైం బ్లాక్బస్టర్ టేస్ట్ చేశారు. అనిల్ రావిపూడి బాలకృష్ణ కాంబో మరోసారి 2028 సంక్రాంతి టార్గెట్ గా తెరకెక్కే ఛాన్స్ ఉందని టాక్ వినిపిస్తోంది.

మలేషియా తమిళ సినిమాకు హోమ్ గ్రౌండ్ గా మారిపోతోంది. విజయ్ జననాయగన్ ఆడియో రిలీజ్ ఫంక్షన్ మలేషియాలో జరగడంతో రజినీకాంత్ జైలర్ 2 ఈవెంట్ కూడా అక్కడే ప్లాన్ చేస్తున్నారు. ధనుష్ ఓం సినిమా నెక్స్ట్ షెడ్యూల్ కూడా మలేషియాలో జరుగనుంది.

గ్లోబల్ మూవీస్ లో మల్టీపుల్ హీరోయిన్ల ట్రెండ్ పెరుగుతోంది. అల్లు అర్జున్ హీరోగా తెరకెక్కుతున్న రాకా లో దీపికా పదుకోన్ తో పాటు రష్మిక మందన్న మృణాల్ ఠాకూర్ జాన్వి కపూర్ నటిస్తున్నారు. పంజాబీ హీరోయిన్ నైలా గ్రేవెల్ కూడా ఈ సినిమాలో జాయిన్ అయ్యారు. టాక్సిక్ లో కియారా అద్వాని నయనతారా తో పాటు రుక్మిణి వసంత్ హ్యూమా కురేషి తారా సుతార్యా కీలక పాత్రలలో నటిస్తున్నారు.