నాసిక్ జువెలరీ షాప్‌లో బంగారు ఉంగరాల ట్రే ఎత్తుకుని ఇద్దరు పరార్

మహారాష్ట్రలోని నాసిక్‌లో ఒక జువెలరీ షాప్‌లో బంగారు ఉంగరాల ట్రేను ఇద్దరు వ్యక్తులు ఎత్తుకుని పరారయ్యారు. కస్టమర్ల వేషంలో వచ్చిన వారు క్షణాల్లోనే ఈ దొంగతనం చేశారు.

ఇద్దరు వ్యక్తులు కస్టమర్లలా షాప్‌లోకి వచ్చారు. ఆభరణాలు చూపించమని యజమానిని కోరారు. యజమాని బంగారు ఉంగరాల ట్రేను బయటకు తీసి చూపించారు. వారు నగలు పరిశీలిస్తున్నట్లు నటించారు. యజమాని కొద్దిగా ఏమర్చిన సమయం చూసి ఒకరు ట్రేను చేతికి తీసుకున్నాడు. వెంటనే షాప్ నుంచి పరుగెత్తాడు. అతని వెనుకే రెండో వ్యక్తి కూడా పరుగెత్తాడు.

షాప్ బయట కారును ముందుగానే స్టార్ట్ చేసి సిద్ధంగా ఉంచారు. షాప్ యజమాని, సిబ్బంది వారిని వెంబడించారు. కానీ దుండగులు క్షణాల్లో కారులో అక్కడి నుంచి వెళ్లిపోయారు. ఈ ఘటనపై పోలీసుల స్పందన లభ్యం కాలేదు.