శివసేన యూబీటీలో తిరుగుబాటు: ఉద్ధవ్ ఠాక్రే సంచలన ప్రకటన, పదవికి రాజీనామా చేస్తానన్న వైనం

మహారాష్ట్రలోని శివసేన (యూబీటీ) పార్టీలో తీవ్ర సంక్షోభం నెలకొంది. పార్టీ ఆవిర్భావ దినోత్సవం రోజున ఆరుగురు లోక్‌సభ సభ్యులు తిరుగుబాటు బావుటా ఎగురవేశారు. పార్టీ జారీ చేసిన విప్‌ను ధిక్కరించి పార్లమెంటరీ సమావేశానికి వారు గైర్హాజరయ్యారు.

ఈ నేపథ్యంలో పార్టీ అధ్యక్షుడు ఉద్ధవ్ ఠాక్రే కీలక ప్రకటన చేశారు. ముంబైలో జరిగిన వ్యవస్థాపక దినోత్సవ వేడుకల్లో ఆయన మాట్లాడుతూ, తన నాయకత్వంపై కార్యకర్తలకు నమ్మకం లేకపోతే శివసేన యూబీటీ అధ్యక్ష పదవికి రాజీనామా చేస్తానని స్పష్టం చేశారు. తాను పదవిని అంటిపెట్టుకుని ఉండాలని అనుకోవడం లేదన్నారు.

ఎంపీల తిరుగుబాటుపై ఓటర్లకు క్షమాపణలు చెబుతూనే, బాలాసాహెబ్ ఠాక్రే ఆశయాల కోసం తన పోరాటం కొనసాగిస్తానని ఉద్ధవ్ పేర్కొన్నారు. ప్రస్తుతం పార్టీకి ఉన్న తొమ్మిది మంది లోక్‌సభ సభ్యులలో అరవింద్ సావంత్, అనిల్ దేశాయ్, రాజాబాబు వాజే మాత్రమే ఉద్ధవ్ వెంట ఉన్నారు. మిగిలిన ఆరుగురు ఏక్‌నాథ్ షిండే వర్గంలో చేరతారన్న ప్రచారం జోరుగా సాగుతోంది.