ఉజ్జయినీ మహంకాళి బోనాల రంగంలో 2026కు భారీ వర్షాలు, అగ్ని ప్రమాదాల హెచ్చరిక

ఉజ్జయినీ మహంకాళి అమ్మవారి బోనాల సందర్భంగా నిర్వహించిన రంగం కార్యక్రమంలో 2026 సంవత్సరానికి హెచ్చరికలు వెలువడ్డాయి. అమ్మవారు ఆగ్రహం వ్యక్తం చేస్తూ భారీ వర్షాలు, అగ్ని ప్రమాదాలు సంభవించవచ్చని తెలిపారు.

వరదల వల్ల ప్రజలు కొట్టుకుపోయే ప్రమాదం ఉందని, ప్రాణనష్టం జరిగే అవకాశం ఉందని హెచ్చరించారు. యువత మంచి మార్గంలో నడవాలని, తల్లిదండ్రులు పిల్లలను జాగ్రత్తగా చూసుకోవాలని సూచించారు.

ఇటీవల కాలంలో తన విగ్రహ ప్రతిష్ట చేస్తామనే మాటను నిలబెట్టుకోకపోవడంపై అమ్మవారు అసంతృప్తి వ్యక్తం చేశారు. విగ్రహ ప్రతిష్టను ఆరు నెలల్లోగా పూర్తి చేయాలని ఆదేశించారు. లేని పక్షంలో మరింత నష్టం జరుగుతుందని హెచ్చరించారు.

భక్తులు అమ్మవారి మాట ప్రకారం శాంతి పూజలు చేస్తామని, తప్పకుండా విగ్రహ ప్రతిష్ట చేస్తామని హామీ ఇచ్చారు. రాబోయే రోజుల్లో ఈ హెచ్చరికలు, సూచనలకు అనుగుణంగా ప్రజలు నడవాలని ఆలయ వర్గాలు పేర్కొన్నాయి.