అంతర్జాతీయ యోగా దినోత్సవం: కరీంనగర్‌లో కేంద్ర మంత్రి బండి సంజయ్ యోగాభ్యాసం

అంతర్జాతీయ యోగా దినోత్సవం సందర్భంగా కేంద్ర మంత్రి బండి సంజయ్ కరీంనగర్‌లోని జ్యోతినగర్ పార్కులో మేయర్‌తో కలిసి యోగాసనాలు చేశారు.

ఈ సందర్భంగా ఆయన మాట్లాడుతూ, యోగా కేవలం వ్యాయామం కాదని, శరీరం, మనసు, ఆత్మలను ఏకం చేసే జీవన విధానమని చెప్పారు. ప్రతిరోజు యోగా చేసేందుకు సమయం కేటాయించి ఆరోగ్యంగా ఉండాలని ప్రజలకు విజ్ఞప్తి చేశారు.

2014లో ఐక్యరాజ్య సమితి వేదికగా ప్రధాని నరేంద్ర మోడీ యోగా దినోత్సవాన్ని ప్రతిపాదించగా, 90 రోజుల్లోనే 177 దేశాలు మద్దతు తెలిపాయని బండి సంజయ్ గుర్తుచేశారు. ప్రపంచం ఒత్తిడితో సతమతమవుతున్న నేపథ్యంలో మందుల కన్నా యోగా సహజమైన పరిష్కార మార్గమని అన్నారు. యోగాకు డబ్బు, పరికరాలు అవసరం లేదని, కేవలం సంకల్పం ఉంటే చాలని చెప్పారు.