ఉప్పల్‌లో ఎక్సైజ్ పోలీసుల దాడిలో 4 కిలోల గంజాయి స్వాధీనం, ఫాస్ట్ ఫుడ్ నిర్వాహకుడి అరెస్టు

ఉప్పల్ ఎక్సైజ్ పోలీసులు నల్లచెరువు కట్ట బస్ స్టాప్ ప్రాంతంలో దాడులు నిర్వహించారు. ఈ సందర్భంగా 4.2 కిలోల ఎండిన గంజాయిని స్వాధీనం చేసుకున్నారు. ఓ వ్యక్తిని అరెస్ట్ చేశారు.

నిందితుడు నారపల్లిలో ఫాస్ట్ ఫుడ్ సెంటర్ నిర్వహిస్తున్నాడని అధికారులు గుర్తించారు. అతడి నుంచి 1014 గంజాయి ప్యాకెట్లు, ఒక మొబైల్ ఫోన్ స్వాధీనం చేసుకున్నారు. ఫాస్ట్ ఫుడ్ వ్యాపారంతో పాటు గంజాయి అమ్మకాల ద్వారా అదనపు ఆదాయం పొందుతున్నట్టు అధికారులు తెలిపారు.

విచారణలో నిందితుడు నాగ్‌పూర్ నుంచి ఒక్కో ప్యాకెట్టు ₹100 చొప్పున కొనుగోలు చేసి, వినియోగదారులకు ₹300కు విక్రయిస్తున్నట్టు అంగీకరించాడు. గతంలో ఇతనిపై ఎన్‌డీపీఎస్ కేసు నమోదైనట్టు విచారణలో తేలిందని అధికారులు చెప్పారు.