ఇరాన్‌లో బందర్ అబ్బాస్‌పై అమెరికా వైమానిక దాడులు, 80 లక్ష్యాలు ధ్వంసం

ఇరాన్ లోని బందర్ అబ్బాస్ ప్రాంతంలో అమెరికా సైనిక దళాలు భారీ వైమానిక దాడులు చేశాయి. తీరప్రాంత స్థావరాలు, వాయురక్షణ వ్యవస్థలు, క్షిపణి ప్రయోగ కేంద్రాలపై జరిగిన ఈ దాడిలో 80 లక్ష్యాలను ఛేదించినట్లు అమెరికా సెంట్రల్ కమాండ్ ప్రకటించింది. హోర్ముజ్ జలసంధిలో ఇరాన్ చమురు ట్యాంకర్లపై పదేపదే దాడులు చేయడంతో ప్రతీకారంగా ఈ ఆపరేషన్ చేపట్టినట్లు అమెరికా స్పష్టం చేసింది.

ఇరాన్ రాజధాని తెహ్రాన్ నుంచి ఇండియా టుడే గ్రూప్ అందించిన నివేదిక ప్రకారం, గత 24 గంటలుగా పరిస్థితి అత్యంత ఉద్రిక్తంగా, హింసాత్మకంగా మారింది. రెండు దేశాలు పరస్పరం దాడులు చేసుకుంటున్నాయి. ఇరాన్ విదేశాంగ శాఖ ప్రతినిధి మాట్లాడుతూ, శాంతి చర్చలు ముందుకు సాగడం లేదని, అమెరికా ప్రతినిధి బృందంతో ఇప్పటివరకు జరిగిన సంప్రదింపుల ఫలితాలు సానుకూలంగా లేవని తెలిపారు. జూలై 9 తర్వాత కొత్త దాడులు జరిగే అవకాశం ఉందని సంకేతాలు ఇచ్చారు.

అంతర్జాతీయ చమురు వాణిజ్యానికి కీలకమైన హోర్ముజ్ జలసంధిలో భద్రతా ప్రమాదాలు పెరగడంతో మార్కెట్లు కుదేలయ్యాయి. ఈ దాడులు ఏ మేరకు విస్తరిస్తాయన్నది ఇంకా స్పష్టంగా తెలియడం లేదు. అమెరికా సెంట్రల్ కమాండ్ ఈ దాడిని ధృవీకరించింది.