హార్ముజ్ జలసంధిలో ట్యాంకర్లపై దాడులకు ప్రతిస్పందనగా అమెరికా ఇరాన్‌పై వైమానిక దాడులు

హార్ముజ్ జలసంధిలో వాణిజ్య నౌకలపై జరిగిన దాడులకు ప్రతిస్పందనగా, అమెరికా ఇరాన్‌పై సైనిక దాడులు చేసింది. జులై 8న మూడు వాణిజ్య నౌకలపై దాడి జరిగినట్లు అమెరికా సెంట్రల్ కమాండ్ (CENTCOM) తెలిపింది. దీనిపై సామాజిక మాధ్యమం ‘X’లో ఒక పోస్టులో CENTCOM స్పందించింది. ఇరాన్‌పై భారీ మూల్యం విధించడానికే ఈ సైనిక చర్య చేపట్టినట్లు ప్రకటించింది. అంతర్జాతీయ జలమార్గంలో వాణిజ్య నౌకలపై దాడులు చేశారని, ఇరాన్ కాల్పుల విరమణను ఉల్లంఘించి సముద్ర భద్రతకు ముప్పు తెచ్చిందని CENTCOM ఆరోపించింది.

అమెరికా దాడుల అనంతరం దక్షిణ ఇరాన్‌లోని సిరిక్, కెషమ్ ప్రాంతాల్లో అనేక పేలుళ్లు వినిపించాయి. ఇరాన్ ‘ఫార్స్’ వార్తాసంస్థ ఉటంకిస్తూ అల్-జజీరా ఈ వివరాలు వెల్లడించింది.

ఇదిలా ఉండగా, అమెరికా చర్యలపై ఇరాన్ తీవ్ర అభ్యంతరం వ్యక్తం చేసింది. అవగాహన ఒప్పందం (MoU)లోని ఆర్టికల్ 10ను అమెరికా ఉల్లంఘించిందని ఇరాన్ విదేశాంగ మంత్రిత్వ శాఖ ఆరోపించింది. ఇరాన్ చమురు విక్రయాలపై అమెరికా తాత్కలిక ఆంక్షల మినహాయింపును ఉపసంహరించుకోవడంతో ఈ ఆరోపణ వచ్చింది. ఒప్పందం కుదిరిన 20 రోజులలోపే తీసుకున్న ఈ నిర్ణయం అమెరికా దురుద్దేశాన్ని తెలియజేస్తోందని ఇరాన్ పేర్కొంది.