US లో H-1B, విద్యార్థి వీసా నిబంధనల్లో మార్పు – ఆగస్టు నుంచి అమలు

అమెరికా ఇమ్మిగ్రేషన్ విభాగం H-1B, F, L, H-4 వీసాల నిబంధనల్లో పలు మార్పులు చేస్తోంది. ఈ మార్పులు ఆగస్టు నుంచి అమల్లోకి రానున్నాయి.

హెచ్‌-1బి వీసా నియామకంలో థర్డ్ పార్టీ క్లయింట్లకు కఠిన షరతులు విధించనున్నారు. 50 మంది కంటే ఎక్కువ ఉద్యోగులు ఉన్న కంపెనీల్లో 50% కంటే ఎక్కువ హెచ్‌-1బి లేదా ఎల్-1 వీసాలు ఉంటే ఫీజు పెరగనుంది. పీఈఆర్ఎం లేబర్ సర్టిఫికేషన్ ప్రక్రియలో స్థానిక ఉద్యోగుల రక్షణకు ప్రాధాన్యతనిస్తూ మార్పులు ఉంటాయి.

విద్యార్థుల ఎఫ్-1 వీసాలు నిర్దిష్ట కాలానికి జారీ అవుతాయి. ఆ సమయంలో కోర్సు పూర్తి చేయాల్సి ఉంటుంది. లేదంటే పొడిగింపు కోసం దరఖాస్తు చేసుకోవాలి. ఓపీటీ, సీపీటీ నిబంధనలు 2027 ఫిబ్రవరి నుంచి కఠినతరం కానున్నాయి.

హెచ్-4 వీసా ద్వారా ఉద్యోగం చేస్తున్న వారికి ఈఏడీ రెన్యూవల్ విధానంలో మార్పు వస్తుంది. ప్రస్తుతం ఆటోమేటిక్ పొడిగింపు ఉండగా, కొత్త విధానంలో ప్రత్యేక దరఖాస్తు తప్పనిసరి. దరఖాస్తు ప్రాసెసింగ్ జాప్యం వల్ల ఉద్యోగులకు అనుమతి లేని కాలం ఏర్పడవచ్చు.