US-ఇరాన్ డీల్ సంతకం: 300 బిలియన్ డాలర్ల పునర్‌నిర్మాణ నిధి, భారత్‌పై ప్రభావం ఇదే

జెనీవాలో అమెరికా, ఇరాన్ మధ్య శాంతి ఒప్పందంపై సంతకాలు జరిగాయి. ఈ ఒప్పందం ప్రకారం 60 రోజుల పాటు చర్చలు జరిపి యుద్ధాన్ని ముగించే ప్రక్రియను UN భద్రతా మండలి ఆమోదిస్తుంది. రిటైర్డ్ మేజర్ జనరల్ GD బక్షి ఈ డీల్ అంతర్జాతీయ ఆర్థిక వ్యవస్థపై భారీ ప్రభావం చూపుతుందని వివరించారు. ఇప్పటి వరకు అమెరికా ఈ యుద్ధంలో 70 నుంచి 100 బిలియన్ డాలర్లు ఖర్చు చేసింది. ఇప్పుడు కొత్త ఒప్పందం ప్రకారం ఇరాన్ పునర్‌నిర్మాణం కోసం అమెరికా 300 బిలియన్ డాలర్లు చెల్లించాల్సి ఉంటుంది. ఈ డీల్ వల్ల గల్ఫ్ ఆఫ్ హార్ముజ్ మార్గం తిరిగి తెరుచుకోనుంది. ఈ నౌకా మార్గం మూసివేతతో ప్రపంచ ఆర్థిక వ్యవస్థ ఇబ్బందులు ఎదుర్కొంటోంది. ఇప్పుడు దీన్ని తెరవడం ద్వారా అంతర్జాతీయ వాణిజ్యానికి పెద్ద ఊరట లభించనుంది. భారత్‌కు ఈ ఒప్పందం చాలా కీలకం. చమురు దిగుమతులకు హార్ముజ్ జలసంధి మార్గమే ప్రధానమైనది. ఈ మార్గం తెరుచుకోవడం వల్ల భారత్‌కు చమురు సరఫరా సాఫీగా జరగడమే కాకుండా ధరలు కూడా స్థిరంగా ఉండే అవకాశం ఉంది. ఇంధన రంగంపై ఆధారపడిన భారత్‌కు ఈ పరిణామం ఊరట కలిగించేదిగా నిపుణులు పేర్కొంటున్నారు.