అమెరికా మధ్యంతర ఎన్నికల ఫలితాల అనంతరం US మార్కెట్లలో భారీ పతనం

అమెరికా మధ్యంతర ఎన్నికల ఫలితాల తర్వాత Wall Street లో భారీ అమ్మకాలు జరిగాయి. నాస్‌డాక్ సూచిక 5.52 శాతం పడిపోయింది. గత 19 నెలల్లో ఒకే రోజులో నమోదైన అత్యధిక నష్టం ఇదే.

S&P 500 సూచిక 4.36 శాతం, డౌ జోన్స్ 3.4 శాతం క్షీణించాయి. ఎన్నికల ఫలితాలు వెలువడిన వెంటనే మార్కెట్లు నాలుగు నెలల గరిష్ట స్థాయికి ఎగిశాయి. మరుసటి రోజు ఇన్వెస్టర్లు లాభాల స్వీకరణకు మొగ్గు చూపడంతో మార్కెట్లు పడిపోయాయి.

AI సెమీకండక్టర్ చిప్ కంపెనీల షేర్లు భారీగా నష్టపోయాయి. Advanced Micro Devices, Micron Technology, Nvidia స్టాక్స్ పతనమయ్యాయి. టెక్, AI రంగ షేర్ల విలువ వాటి నిజమైన విలువకు మించి పెరిగిందని ఇన్వెస్టర్లు ఆందోళన చెందుతున్నట్టు నిపుణులు చెప్తున్నారు.

AI డేటా సెంటర్ల విస్తరణను డెమోక్రాట్లు వ్యతిరేకిస్తున్నారు. ఈ సెంటర్ల వల్ల పర్యావరణానికి నష్టం జరుగుతుందని, విద్యుత్ వినియోగం పెరుగుతుందని వారి అభిప్రాయం. కొత్తగా అధికారంలోకి వచ్చిన డెమోక్రాట్లు డేటా సెంటర్ ప్రాజెక్టులకు అడ్డుకట్ట వేయొచ్చని ఇన్వెస్టర్లు భయపడుతున్నారు. దీంతో వారు తమ పెట్టుబడులను విక్రయిస్తున్నారు.

Elon Musk కు చెందిన Tesla, SpaceX కంపెనీలపైనా ఈ పరిణామాల ప్రభావం పడింది. కేవలం రెండు రోజుల్లో ఈ కంపెనీల మార్కెట్ విలువ $420 బిలియన్లకు పైగా తగ్గింది. భారత కరెన్సీలో ఇది సుమారు ₹39 లక్షల కోట్లు.

ఎన్నికల్లో Musk భారీగా నిధులు ఇచ్చినప్పటికీ ఆయన మద్దతు ఇచ్చిన అభ్యర్థులు ఓడిపోయారు. Tesla, SpaceX ప్రధాన కార్యాలయం ఉన్న టెక్సాస్‌లో రిపబ్లికన్లకు ఎదురుదెబ్బ తగిలింది. ఈ కారణాల వల్లే మార్కెట్ ప్రతికూలంగా స్పందించిందని మార్కెట్ నిపుణులు చెప్తున్నారు.