రష్యా నుంచి చమురు దిగుమతిపై భారత్పై 100% టారిఫ్ విధించే బిల్లుకు అమెరికా సెనెట్ ఆమోదం

అమెరికా సెనెట్ Sanctioning Russia Iran Act 2026 ను 86-11 ఓట్ల తేడాతో ఆమోదించింది. ఈ బిల్లు రష్యా నుంచి చమురు దిగుమతి చేసుకుంటున్న దేశాలపై అమెరికా అధ్యక్షుడికి 100% సుంకాలు విధించే అధికారం ఇస్తుంది.

ఉక్రెయిన్‌తో జరుగుతున్న యుద్ధం ముగించేలా రష్యాపై ఒత్తిడి తీసుకొచ్చే లక్ష్యంతో ఈ చట్టం రూపొందించారు. మాస్కో నుంచి చమురు కొనుగోలు చేస్తున్న భారత్, చైనా, స్లోవేకియా, హంగరీ, అజర్బైజాన్ వంటి దేశాలను ఇది ప్రభావితం చేస్తుంది. ట్రంప్ ఈ బిల్లును ‘ఆర్థిక బంకర్ బ్లాస్టర్’గా పేర్కొన్నారు.

గతంలో 500% టారీఫ్‌లు విధించాలని ట్రంప్ పరిపాలన ప్రతిపాదించింది. అంతర్జాతీయ పరిస్థితులు, పశ్చిమాసియా ఉద్రిక్తతలను దృష్టిలో ఉంచుకుని ఈ పరిమితిని 100% కు తగ్గించారు.

ఈ నెల 31న ఈ బిల్లు అమెరికా ప్రతినిధుల సభలో చర్చించే అవకాశం ఉంది. సభలో ఆమోదం పొంది, అధ్యక్షుడు సంతకం చేస్తే ఇది చట్టంగా అమల్లోకి వస్తుంది.