పదేండ్ల బీఆర్ఎస్ పాలనపై మంత్రి ఉత్తం కుమార్ రెడ్డి తీవ్ర విమర్శ

సూర్యాపేట జిల్లా హుజూర్ నగర్‌లో మంత్రి ఉత్తం కుమార్ రెడ్డి మాట్లాడుతూ బీఆర్ఎస్ 10 ఏళ్ల పాలనపై తీవ్ర విమర్శలు చేశారు. ఆ పార్టీ ప్రభుత్వం ఖజానాను ఖాళీ చేసే స్థాయిలో దోపిడీ చేసిందని ఆరోపించారు.

కాళేశ్వరం ప్రాజెక్టు కూలిపోతున్న సమయంలో బీఆర్ఎస్ నేత హరీశ్ రావు మరో మూడు నెలల పదవిని కోరడం చిత్రంగా ఉందని ఆయన వ్యాఖ్యానించారు. ఇప్పటికే పదేండ్లు పాలించారని గుర్తు చేశారు.

మహిళల ఉచిత బస్సు ప్రయాణం పథకం కింద ఇప్పటివరకు రూ.11,000 కోట్ల విలువైన ఉచిత ప్రయాణాలు జరిగాయని మంత్రి తెలిపారు. ఈ సందర్భంగా హుజూర్ నగర్‌లో కొత్త ఆర్టీసీ బస్ స్టాండ్ నిర్మాణానికి ఆయన శంకుస్థాపన చేశారు.

పదేండ్లలో ప్రజా రవాణా వ్యవస్థను నిర్లక్ష్యం చేశారని, ప్రస్తుత ప్రభుత్వం ఆర్టీసీ సేవల విస్తరణపై దృష్టి పెట్టిందని ఆయన చెప్పారు. రోజూ 60 లక్షల కిలోమీటర్లు బస్సులు నడుస్తున్నాయని వివరించారు.