తెలంగాణలో కాపులకు మంత్రి పదవి లేదని వద్దిరాజు రవిచంద్ర ఆరోపణ

కాపు సమైక్య సమావేశంలో బీఆర్ఎస్ ఎంపీ వద్దిరాజు రవిచంద్ర మాట్లాడుతూ.. కాపులకు కేంద్రంలో మంత్రి పదవి, ఆంధ్రప్రదేశ్‌లో డిప్యూటీ సీఎం పదవి దక్కినా తెలంగాణలో మాత్రం ఒక్క మంత్రి పదవి కూడా లేదని తెలిపారు.

ఢిల్లీలో జరిగిన ఈ సమావేశంలో ఆయన మాట్లాడుతూ, హక్కుల కోసం నాలుగు రాష్ట్రాల కాపులు కలిసి పోరాడాలని పిలుపునిచ్చారు. వీహెచ్ కు ముఖ్యమంత్రి పదవి తృటిలో చేజారిందన్నారు. కేంద్రంలో బీజేపీ ప్రభుత్వం కాపు నేతకు మంత్రి పదవి ఇచ్చిందని, ఏపీలో కూటమి ప్రభుత్వం డిప్యూటీ సీఎం పదవి కల్పించిందని, కానీ తెలంగాణలో మాత్రం కాపులకు ప్రాతినిధ్యం లేదని ఆయన ఆరోపించారు.

తెలంగాణలో కాపు సామాజిక వర్గానికి మంత్రి పదవి కల్పించాలని ఈ సందర్భంగా డిమాండ్ వినిపించారు.