వెరికోస్ వెయిన్స్: కారణాలు, లక్షణాలు, చికిత్స – డాక్టర్ సందీప్ వివరణ

వెరికోస్ వెయిన్స్ సమస్య ఇటీవల యువతలో కూడా కనిపిస్తోందని జనరల్ సర్జన్ డాక్టర్ సందీప్ తెలిపారు. గతంలో వయసు పెరిగిన వారిలోనే ఈ సమస్య కనిపించేది. కానీ ప్రస్తుతం మారిన జీవనశైలి వల్ల చిన్న వయసులోనే వెరికోస్ వెయిన్స్ బాధపడుతున్నారు.

రక్తనాళాలు ఉబ్బడాన్ని వెరికోస్ వెయిన్స్ అంటారు. ఎక్కువసేపు నిలబడటం, కూర్చోవడం, ఊబకాయం, హార్మోన్ల మార్పులు, గర్భధారణ వంటి కారణాల వల్ల ఇది వస్తుంది. ముఖ్యంగా మహిళల్లో ఈ సమస్య ఎక్కువగా కనిపిస్తుంది. గర్భధారణ సమయంలో రక్త ప్రసరణ ఒత్తిడి పెరగడం వల్ల వెరికోస్ వెయిన్స్ వచ్చే అవకాశం ఉంటుంది.

లక్షణాల విషయానికొస్తే, మొదట అరికాళ్ల దగ్గర నల్ల మచ్చలు ఏర్పడతాయి. దీన్ని మాల్యులర్ ఫ్లేయర్ అంటారు. తర్వాత రక్తనాళాలు ఉబ్బుతాయి. నిర్లక్ష్యం చేస్తే రక్తం నిలవ ఉండడం వల్ల చర్మంపై పుండ్లు ఏర్పడతాయి. ఈ పుండ్లు త్వరగా మానవు. సక్రమ చికిత్స చేయించుకుంటేనే నయమవుతాయి.

ప్రాథమిక దశలో వ్యాయామం చేయడం, కాళ్లకు కదలిక ఇవ్వడం ద్వారా రక్త ప్రసరణ మెరుగవుతుంది. కంప్రెషన్ స్టాకింగ్స్ ధరించడం వల్ల కాళ్లకు ఒత్తిడి ఇచ్చి రక్తం గుండెకు తిరిగి వెళ్లేందుకు సహాయపడుతుంది. జంక్ ఫుడ్, బయటి ఆహారానికి దూరంగా ఉండటం, శరీర బరువు తగ్గించుకోవడం వల్ల ఈ సమస్య రాకుండా నివారించవచ్చు.