శ్రీశైలంలో వరుణ యాగం, సహస్ర ఘటాభిషేకం పూర్తి

శ్రీశైలం మల్లన్న ఆలయంలో ఐదు రోజుల పాటు జరిగిన వరుణ యాగం, సహస్ర ఘటాభిషేకం పూర్ణాహుతితో ముగిసింది. ఆగస్టు 7న ప్రారంభమైన ఈ కార్యక్రమాలు నిన్న పూర్తయ్యాయి.

సకాలంలో వర్షాలు కురిసి పంటలు బాగా పండాలనే ఉద్దేశంతో ఈ యాగాన్ని నిర్వహించారు. శ్రీశైలం మల్లికార్జున స్వామి ఆలయం జ్యోతిర్లింగ క్షేత్రం.

పూర్ణాహుతిలో ఆలయ ఈవో శ్రీనివాసరావు దంపతులు, దేవస్థానం చైర్మన్ పోతుగుంట రమేష్ నాయుడు, సభ్యులు పాల్గొన్నారు. హోమగుండంలో నారికేలాలు, సుగంధ ద్రవ్యాలు, నూతన వస్త్రాలు సమర్పించారు.