వేములవాడ రాజరాజేశ్వర స్వామి ఆలయంలో శ్రావణ మాస ప్రత్యేక పూజలు ఆగస్టు 13 నుంచి

వేములవాడ శ్రీ రాజరాజేశ్వర స్వామి ఆలయంలో శ్రావణ మాస ప్రత్యేక పూజలకు ఏర్పాట్లు మొదలయ్యాయి.

ఆగస్టు 13 నుంచి సెప్టెంబర్ 11 వరకు శ్రావణ మాస ప్రత్యేక కార్యక్రమాలు జరగనున్నాయని ఆలయ అధికారి రమాదేవి తెలిపారు.

ప్రతి సోమవారం శ్రీ స్వామి వారికి ఉదయం మహాన్యాస పూర్వక ఏకాదశ రుద్రాభిషేకం, సాయంత్రం మహాలింగార్చన జరుగుతాయి. మూడవ సోమవారం నాడు మాత్రం శ్రీ భీమేశ్వర స్వామి ఆలయంలో మహాలింగార్చన నిర్వహిస్తారు.

ఐదు శుక్రవారాల్లో ఉదయం, సాయంత్రం శ్రీ రాజరాజేశ్వరీ దేవి అమ్మవారికి ప్రత్యేక పూజలు ఉంటాయి. పౌర్ణమి, నక్షత్ర విశేష రోజుల్లోనూ ప్రత్యేక పూజలు నిర్వహించనున్నారు.