కిలోమీటర్‌కు ₹8కే క్యాబ్: VinFast భారత్‌లో Ola, Uber కి పోటీ

వియత్నాం electric vehicle తయారీ సంస్థ VinFast భారత్‌లో electric cab సేవలు ప్రారంభించేందుకు సిద్ధమవుతోంది. కిలోమీటర్‌కు కేవలం ₹8 చార్జ్ చేయాలని కంపెనీ లక్ష్యంగా పెట్టుకుంది.

ప్రస్తుతం Ola, Uber వంటి సంస్థలు కిలోమీటర్‌కు సగటున ₹12 నుంచి ₹20 వరకు వసూలు చేస్తున్నాయి. VinFast చార్జీలు వాటితో పోలిస్తే చాలా తక్కువగా ఉంటాయి.

గ్రేటర్ నోయిడాలో సుమారు 1,000 electric వాహనాలు సిద్ధంగా ఉన్నాయి. తొలి దశ సేవలు నోయిడా నుంచి ప్రారంభమవుతాయని తెలుస్తోంది. డ్రైవర్లను నియమించుకునే ప్రక్రియ ప్రస్తుతం జరుగుతోంది. నెలకు ₹40,000 fixed salary ఆఫర్ చేస్తున్నట్లు సమాచారం.

VinFast cab booking కోసం Green and Smart Mobility (EGSM) సంస్థ app ఉపయోగించాల్సి ఉంటుంది. EGSM పూర్తిగా electric వాహనాలతోనే నడుస్తుంది. Limo Green అనే premium electric MPV మూడు వరుసల సీట్లతో premium cab segment ని లక్ష్యంగా చేసుకుంటోంది. VinFast VF5 electric crossover కూడా ఈ సేవల్లో భాగమవుతుందని సమాచారం.

ఇటీవల BlueSmart cab సేవలు నిలిచిపోవడంతో electric cab మార్కెట్‌లో ఏర్పడిన ఖాళీని VinFast భర్తీ చేయాలని చూస్తోంది. వాహన తయారీ నుంచి cab service వరకు మొత్తం నియంత్రణ కంపెనీ చేతుల్లోనే ఉంచుకోవాలని కంపెనీ వ్యూహం. కంపెనీ తమిళనాడులో తయారీ యూనిట్ కూడా ఏర్పాటు చేస్తోంది.