T-Works Future Skill Summit 2026: 30,000 మందికి శిక్షణ ఇస్తున్న ఫౌండేషన్‌ను ప్రశంసించిన మంత్రి వివేక్ వెంకటస్వామి

T-Works Future Skill Summit & Awards 2026 కార్యక్రమంలో తెలంగాణ రాష్ట్ర మంత్రి వివేక్ వెంకటస్వామి పాల్గొన్నారు. ఈ సందర్భంగా ఆయన మాట్లాడుతూ, 30,000 మందికి శిక్షణ ఇస్తోన్న ఫ్యూచర్ స్కిల్స్ ఫౌండేషన్ కార్యక్రమాన్ని ప్రశంసించారు.

రాష్ట్ర ప్రభుత్వం నైపుణ్యాభివృద్ధిలో భాగంగా రాష్ట్రవ్యాప్తంగా 119 అత్యాధునిక సాంకేతిక కేంద్రాలను ఏర్పాటు చేస్తోందని మంత్రి తెలిపారు. గ్రామీణ ప్రాంతాల పేదలకు స్టైపెండ్ ఇస్తూ శిక్షణలో పాల్గొనే అవకాశం కల్పిస్తున్నామన్నారు.

జర్మనీ, జపాన్ వంటి దేశాల్లో నైపుణ్యం ఉన్నవారికి మంచి ఉద్యోగ అవకాశాలు ఉన్నాయని, రాష్ట్ర ప్రభుత్వం దాదాపు 30,000 విదేశీ ఉద్యోగాలను గుర్తించిందని వివరించారు. ఈ ఉద్యోగాలకు సంవత్సరానికి సుమారు రూ.25 లక్షల వరకు జీతం లభిస్తుందని తెలిపారు. బాన్ (జర్మనీ)లో ఫిజియోథెరపిస్ట్‌గా ఉద్యోగం పొందిన ఒక మహిళకు రూ.3.30 లక్షల నెల జీతం లభించిందని ఉదాహరణగా చెప్పారు.

AI కారణంగా చాలా ఉద్యోగాలు తగ్గుతున్న నేపథ్యంలో యువత నైపుణ్యాలను మెరుగుపరచుకోవాలని, స్మార్ట్‌ఫోన్లపై రీల్స్ చూడటం వంటి అనుత్పాదక కార్యకలాపాలకు దూరంగా ఉండాలని మంత్రి సూచించారు. ప్రతిరోజు ఏదో ఒక విషయం నేర్చుకోవడం అలవాటు చేసుకోవాలని హితవు పలికారు.

ఈ కార్యక్రమంలో NSDC, పలు పరిశ్రమలు, విదేశీ సంస్థలు భాగస్వాములుగా ఉన్నాయని, క్వాలిటీ థాట్ ఫ్యూచర్ స్కిల్ ఫౌండేషన్ వ్యవస్థాపకులు రమణ, కిషార్‌లను మంత్రి అభినందించారు.