వరంగల్‌లో అపరిశుభ్ర పచ్చళ్ల తయారీ యూనిట్‌పై దాడి; కిలోల కొద్దీ పచ్చళ్లు సీజ్

వరంగల్ నగరంలోని కాసిబుగ్గ ప్రాంతంలో ఓ ఇంట్లో అపరిశుభ్ర వాతావరణంలో పచ్చళ్ల తయారీ జరుగుతున్నట్లు సమాచారం రావడంతో టాస్క్‌ఫోర్స్, ఆహార భద్రత అధికారులు దాడి చేశారు.

స్థానికులు తీవ్ర దుర్వాసన రావడంతో పోలీసులకు సమాచారం ఇవ్వడంతో, అధికారులు యూనిట్‌ను తనిఖీ చేశారు. అక్కడ బ్లూ డ్రమ్ముల్లో కుళ్లిన, బూజు పట్టిన పచ్చళ్లు భారీ సంఖ్యలో కనిపించాయి. వీటి తయారీకి నీరుగారిపోయిన మామిడికాయ ముక్కలు, బూజుపట్టిన ముడి సరుకును వాడారు.

అధికారులు ఈ యూనిట్ నుంచి సుమారు కిలోల కొద్దీ పచ్చళ్లను సీజ్ చేశారు. ఈ యూనిట్‌కు ఎలాంటి అనుమతులు లేవని తేలింది. కుళ్లిపోయిన పచ్చళ్లను రసాయనాలు కలిపి, బూజు తెలియకుండా ఉప్పు, వెనిగర్ వేసి ప్యాకింగ్ చేసి చిన్న దుకాణాలకు అమ్ముతున్నారు. వీటిని క్యూరీ పాయింట్లు, కిరాణ షాపులు, స్వీట్ హౌస్‌లకు సరఫరా చేస్తున్నట్లు గుర్తించారు.

దీనిపై వైద్యులు స్పందిస్తూ, ఇలాంటి కల్తిపచ్చళ్లు తినడం వల్ల ఫుడ్ పాయిజనింగ్, కాలేయ సమస్యలు, దీర్ఘకాలంలో క్యాన్సర్ వచ్చే ప్రమాదం ఉందని హెచ్చరించారు. కొంతమంది తక్కువ ధరకు ఆకర్షితులై ఇలాంటి ఉత్పత్తులు కొనడం వల్ల ప్రాణాలకే ముప్పు ఉందన్నారు.

ఈ కేసును దర్యాప్తు చేస్తున్నట్లు అధికారులు తెలిపారు. నిందితులపై చర్యలు తీసుకుంటామని హెచ్చరించారు.