యాదగిరిగుట్ట లక్ష్మీ నరసింహ స్వామి దేవస్థానంలో కల్యాణ మండపం నిర్మాణానికి భూమిపూజ

యాదగిరిగుట్ట లక్ష్మీ నరసింహ స్వామి దేవస్థానంలో కొత్త కల్యాణ మండపం నిర్మాణానికి భూమిపూజ జరిగింది. దేవస్థాన గౌరవ చైర్మన్ తన సొంత నిధులతో ఈ నిర్మాణాన్ని చేపడుతున్నారు.

కల్యాణ మండపం మొత్తం విస్తీర్ణం 21,500 చదరపు అడుగులు ఉంటుంది. ఇందులో హాలు ఒకటి 12,650 చదరపు అడుగుల్లో ఉంటుంది. ఈ హాల్లో దాదాపు 1,500 మంది ఏకకాలంలో కూర్చొని కల్యాణం తిలకించేలా ఏర్పాట్లు చేస్తున్నారు. దేవస్థానంలో కల్యాణాలు నిర్వహించేందుకు ఈ మండపం ఉపయోగపడుతుంది.

వికలాంగులు, సీనియర్ సిటిజన్ల కోసం నాలుగు ప్రత్యేక లిఫ్టులు ఏర్పాటు చేస్తున్నారు. అందరికీ అందుబాటులో ఉండేలా భవనాన్ని డిజైన్ చేశారు.

నిర్మాణం ఇవాళ్టి నుంచి ప్రారంభమైంది. దాదాపు ఒక సంవత్సరంలోపు పనులు పూర్తవుతాయని తెలిపారు.