యాదగిరిగుట్ట ఆలయంలో భక్తుల రద్దీ కొనసాగుతోంది; ఉచిత దర్శనానికి 4 గంటల పైగా వెయిటింగ్

తెలంగాణలోని ప్రసిద్ధ పుణ్యక్షేత్రమైన యాదగిరిగుట్ట శ్రీ లక్ష్మీ నరసింహ స్వామి ఆలయం భారీ భక్తజన సంద్రంగా మారుతోంది.

పునర్నిర్మాణం తర్వాత రాష్ట్రం నుంచే కాకుండా దేశ విదేశాల నుంచి భక్తుల రాక బాగా పెరిగింది. ఆర్టీసీ మహాలక్ష్మి పథకాన్ని వినియోగించుకుని ప్రతిరోజు వేలాది మంది స్వామి వారిని దర్శించుకుంటున్నారు.

ఉచిత దర్శనానికి ఒక్కోసారి నాలుగు గంటలకు పైగా సమయం పడుతుంది. ప్రత్యేక దర్శనం టికెట్ ఉన్నా సుమారు రెండు గంటల సమయం తీసుకుంటోంది. వారాంతాలు, పండుగ సెలవు రోజుల్లో వేకువజాము నుంచే ఆలయ ప్రాంగణం భక్తులతో నిండిపోతోంది.

దర్శనం అనంతరం ప్రసాదం కౌంటర్ల వద్ద కూడా పెద్ద క్యూ లైన్లు ఉంటున్నాయి. మాడవీధుల్లోని క్యూ లైన్లు, బస్ స్టాండ్, వీఐపీ పార్కింగ్ ప్రాంతాలు వాహనాలతో రద్దీగా మారాయి.