మహబూబ్‌నగర్ ఎమ్మెల్యే వై.ఎన్.శ్రీనివాస్ రెడ్డి: 100 మంది విద్యా వాలంటీర్లకు నెలకు రూ.10 వేలు జీతం

మహబూబ్‌నగర్ జిల్లా ఎమ్మెల్యే యెన్నం శ్రీనివాస్ రెడ్డి 100 మంది విద్యా వాలంటీర్లను నియమించారు. ప్రభుత్వ పాఠశాలల్లో విద్యా ప్రమాణాలు మెరుగుపరిచేందుకు ఈ నిర్ణయం తీసుకున్నారు. ఈ వాలంటీర్లకు ఆయనే స్వంత నిధుల నుంచి నెలకు రూ.10,000 జీతం చెల్లిస్తున్నారు.

గతేడాది 35 వాలంటీర్లను మాత్రమే నియమించగా, ఈ ఏడు దరఖాస్తుల సంఖ్య 400 దాటింది. ఎంట్రన్స్ పరీక్ష ద్వారా 100 మందిని ఎంపిక చేశారు. వీరిలో డిగ్రీ, పీజీ, బీఎడ్ పూర్తి చేసిన స్థానిక యువత ఉన్నారు.

వీరి బాధ్యతల్లో విద్యార్థుల హాజరు పర్యవేక్షణ, పాఠ్యాంశాలు బోధించడం, సందేహాల నివృత్తి, గ్రూప్ స్టడీ నిర్వహించడం వంటివి ఉన్నాయి. ప్రతిభావంతులైన విద్యార్థులను గుర్తించి, పోటీ పరీక్షలకు ప్రత్యేక శిక్షణ ఇవ్వడంలోనూ వీరు కీలకంగా పనిచేస్తున్నారు.

శ్రీనివాస్ రెడ్డి తెలిపిన వివరాల ప్రకారం, గతంలో 50-60 శాతం మాత్రమే పదో తరగతి ఫలితాలు నమోదైన పాఠశాలలు ప్రస్తుతం 100 శాతం ఉత్తీర్ణత సాధించాయి. ఈ విద్యా వాలంటీర్ల కృషి వల్లే ఈ మార్పు సాధ్యమైందని ఆయన పేర్కొన్నారు.