2026 ఖరీఫ్ సాగుపై ఎల్ నినో ప్రభావం: జూన్‌లో 64% వర్షపాత లోటు, నిపుణుల హెచ్చరిక

2026 నైరుతి రుతుపవనాలు చాలా నిరాశాజనకంగా ప్రారంభమయ్యాయి. జూన్ మధ్య నాటికి దేశంలో సాధారణం వర్షపాతం 53.7 మి.మీ కాగా, కేవలం 19.2 మి.మీ మాత్రమే నమోదైంది. అంటే 64% లోటు. ఐఎండీ (IMD) ప్రకారం ఈ సీజన్‌లో మొత్తం వర్షపాతం సాధారణం కంటే 90% మాత్రమే పడే ప్రమాదం ఉంది. ఇది గత 11 ఏళ్లలో అత్యంత తక్కువ కావొచ్చు.

ఈ బలహీన ప్రారంభానికి పసిఫిక్ మహాసముద్రంలో ఏర్పడే ఎల్ నినో పరిస్థితి కారణమని వాతావరణ శాస్త్రవేత్తలు చెబుతున్నారు. 2014, 2015 సంవత్సరాల్లో కూడా ఇలాంటి ఎల్ నినో ప్రభావం వల్ల వర్షాలు బాగా తగ్గాయి.

మహారాష్ట్ర వంటి రాష్ట్రాల్లో విత్తనాలు వేసే సమయం దాటిపోతోంది. ఉదాహరణకు మహారాష్ట్రలో జూన్ 15 నాటికి కేవలం 27.4 మి.మీ వర్షం పడింది, అది సాధారణం 103.8 మి.మీతో పోలిస్తే చాలా తక్కువ. రైతులు పొలాల్లోకి దిగలేకపోతున్నారు.

2009లో ఇలాంటి పరిస్థితులే కరువుకు దారితీశాయి. అప్పుడు జూన్‌లో 50% లోటు ఉండగా, ఈసారి ఆ సంఖ్య 64% దాటింది. అయితే ఇప్పటికే కరువు వచ్చిందని ఒక నిర్ధారణకు రావద్దని నిపుణులు సూచిస్తున్నారు. జూలై-ఆగస్టు నెలల్లో భారతదేశానికి కావలసిన 70% వర్షాలు పడతాయి. అలాగే పలు ప్రాజెక్టులు, డ్యాముల్లో నీటి నిల్వలు సాధారణం కంటే ఎక్కువగా ఉన్నాయి. ఇది కొంత ఊరట కలిగిస్తోంది.

పెరిగిన విద్యుత్, నీటి వినియోగం, అటవీ నరికివేత వంటి మానవ తప్పిదాలు కూడా ఈ పరిస్థితికి కారణమని నిపుణులు హెచ్చరిస్తున్నారు. రాబోయే వారాలపై అందరి దృష్టి నెలకొంది.